ولسه الدنيا بخير

موضوع: ولسه الدنيا بخير 2010-08-30, 22:09

[right]

ممكن تسمعونى

أنا وفى الكليه فكرت أعمل مشروع ففتحت محل
وياااااااااااادوب بقول يا مسهل
لقيت بسم الله ما شاء الله وزارات مصر كلها بعتالى محااضر
من الضرايب على التأمينات على البلديه على على ........... حتى المحافظ نفسه عايز 5 الاف جنيه من كل محل لينظف الشارع
مع أن الشارع عمره ما هاينظف عن كداااااااااااااا
المهم
أنا أديت المحاضر دى لمحامى
وسبته يتخذ الازم
وفى يوم كسلت أروح الكليه وقعدت فى المحل
دخل عليا واحد
بسم الله ما شاء الله
طول بعرض سد باب المحل
وقالى "يالا هات ورق المحل ده ويالا على البكس"
وقضيت ليله من الف ليله وليله فى التخشيبه
لحد ما الموضوع وصل لعمى فرفع سماعة التليفون
وبقدرت قادر"سبحان الله"
كملت الليله فى مكتب المأمور وجالى العشا والساقع لحد عندى
ونفس الظابط راح قايلى:- ""أنتا تقرب أيه لفلان الفلانى""
قلتله :- عمى
راح قايلى:- طاب مش تقول يا حماده أوعى تكون زعلت.................
((بيقولى يا حماده بعد ما كان بيقولى يالا))
وطول الليل بقا خد كلم يا حماده فلان بيه بيطمن عليك وفلان باشا وفلان الفلانى
ناس أول مره أسمع عنها
وفى الصبح طبعا أروح النيابه فى عربيه البيه الظابط
وكله الا وكيل النيابه الى ما قاليش غير كلمتين
أسمك أيه؟؟؟ , ومع السلامه
أول ما خرجت بقا عمى راح مستلمنى بموشح قد كدااااااااااااااا
وفى الاخر قالى
(( أى أبن تيييييييييييييييييت يجى عندك متتنقلش من مكانك و كلمنى على الموبيل بلاش تكلمنى أنا كلم خالك
بلاش خالك كلم فلان ولا فلان ولا فلان وبلاش تتحرك من دماغك دى))
قلتله:- يا عمى أنا كل أوراقى سليمه
قالى:- أوراق!!!!!!!!!
أوراقك دى تبلها وتشرب ميتها سامعنى

ومن يومها قفلت المحل وتفرغت للشعر وكتبت قصيده ((أسمها مصر المحروسه))
بلاش أقولهالكم لان ساعتها ولا عمى ولا خالى هيعرفنى كلهم هايتبروا منى
أسف لانى طولت عليكم والسلالالالام عليكم

[right]